<$BlogRSDUrl$>
Ömmurnar
Kom hjem til mig, vær ikke så længe ude... ML-blogg

ágúst 05, 2004
Sjálfsvorkunn jálfsvorkunn álfsvorkunn lfsvorkunn fsvorkunn svorkunn vorkunn orkunn rkunn kunn unn nn n ...
Hvað hef ég gert þér???!!
Matta er 27 ára gömul stelpa úr Hveragerði. Hún fór í tannréttingar þegar hún var unglingur, en er samt með frekjuskarð, heppin!
Hún var keyrð niður á fullri ferð á Kringlumýrarbrautinni en slapp með nokkur slitin bönd í fæti, brákað bak og heilahristing, í ljós kom að ekki er hægt að gera við þessi "minniháttar meiðsl" hér á landi svo hún þarf annað hvort að vera afrekskona í Boccia eða e-h álíka til að fara í forgangsaðgerð, eða fara á áralangan biðlista eftir slíkri aðgerð til Svíþjóðar, heppin!
Matta fékk frí í vinnunni í nokkra mánuði til að jafna sig og fitnaði um 15 kíló sem eru ekki enn farin, heppin!
Hún keypti draumabílinn fyrir nokkrum árum, gljáandi og fínan en fékk fljótlega fljúgandi nagladekk sem "blesaði" bílinn hennar upp á þak, samkennari hennar bakkaði á hann og róni braust inn í hann, heppin!
Eftir að hafa farið í 2 háskóla á Íslandi fékk hún inni í framhaldsnámi í Danmörku, en þegar allt kemur til alls hefur hún engan stað til að búa á og enga vinnu með skólanum, heppin!
Tökum heppnina og troðum henni þar sem sólin ekki skín!!!
Það ætlar barasta ekkert að ganga upp hjá mér þessa dagana. Í stað þess að vera lífsglöð konustelpa sem er á leið á vit ævintýranna til Danmerkur eftir 3 vikur, laus upp úr sama farinu hér heima, er ég hríðskjálfandi taugahrúga sem á von á því að vera stungin í bakið á hverri stundu.
Ólíkt biðlistum hér heima, snúa danskir biðlistar öfugt (eins og reyndar meginþorri vina minna hér heima!). Ég er sem sagt lengra frá því að fá íverustað heldur en þegar ég sótti um fyrir helvítis löngu.
Það sem ég þarf að gera á 3 vikum:
-selja bílinn minn
-fá íbúð í Árósum...herbergi, klefa eða pappakassa og teppi!!!
-fá leigjendur að íbúðinni minni á Laugarnesvegi
-fá vinnu í Árósum
-pakka öllu draslinu mínu niður sem mér finnst ég vera nýbúin að drösla hér upp á 3. hæð, lofandi sjálfri mér og öllum þeim sem hjálpuðu mér að flytja, að næst þegar ég bæri kassa úr þessari íbúð væru ég og vöðvatröllið og fegurðarprinsinn, kærasti minn, að flytja í höllina okkar þar sem við ætlum að búa til æviloka, amen!
-koma verðandi arftaka mínum í Engjaskóla inn í starfið með bekknum
-læra dönsku
-láta kíkja á tölvuna mína (sem er ekki að standa sig þessa síðustu og verstu daga)
-halda "stelpuhelgi" fyrir 3. og 6. ára gamlar frænkur mínar með tilheyrandi bíóferð, tívolíferð, sundi, nammi, strætóferð (toppurinn), gefa öndunum osfrv...
-kvelja sjálfa mig af hverju ég væri ekki löngu búin að þessu öllu saman fyrir löngu (hinn "heppni" kennari sem er í fríi allt sumarið)
(sá The Village áðan og það er alveg frábær mynd!!)
Knús
Matta