<$BlogRSDUrl$>
Ömmurnar
Kom hjem til mig, vær ikke så længe ude... ML-blogg

ágúst 03, 2004
Kærasti sem á........ rúm og þvottavél (já og ýmislegt annað líka) óskast.
OHHHHH sveiattann, ég er orðin stór og það fer í taugarnar á mér.
-Ég er komin í fasta vinnu
-Ég er komin með viðbótarlífeyrissparnað
-Ég þarf að kaupa mér tryggingu fyrir allt mögulegt og ómögulegt því að ég er búin að flytja lögheimilið mitt
-Ég þarf að kaupa mér rúm og þvottvél og áður en ég veit af líka ískáp og eldavél
-Ég þarf að byrja að borga af námslánunum á næsta ári
-Ég þarf að byrja að safna mér fyrir íbúð og framhaldsnámi og já líka bíl..... mér skilst að súbaró megi ekki fara aftur í skoðunn, elsku besti súbbi minn
-Ég þarf að vera drop dead skynsöm

Mig langar að....
-ferðast um heiminn, heimsreisa 2006
-búa í London..... London baby yeahhhh
-fara í hjálparstarf
-koma Bush frá völdum
-læra að kafa og fá mér kafararéttindi og bjarga kóralrifjum heimsins
-kaupa fullt, fullt af óþarfa og skemmtilegum hlutum

Hvernig getur maður sameinað það sem mann langar til að gera og það sem maður fyrr eða síðar neyðist til að gera og verið á hjúkrunarfræðingslaunum? Lets seeee unnið 200% næturvaktir, sofið hjá einhverjum í samninganefnd ríkisins (uuuuuujjjjjj), fá "lán" hjá Landssímanum, selja dóp og dansa súludans.

Þetta var alveg ágætis verslunarmannahelgi. Á föstudaginn kom Ásdís til byggða og ég, Matta, Ásdís, Þórir og Héðinn pöntuðum okkur Indókínamat. Seinna komu svo fleiri í party. Ég held að Matta og Héðinn verði að fara að passa betur upp á maka sína, eftir þetta kvöld veit ég ekki hverjir eru giftir hverjum ;)
Á laugardaginn lágum við í bælinu langt fram eftir degi og horfðum á ömurlegar bíómyndir.
Á sunnudaginn skellti ég mér svo í sveitina til Hildu systur og fjölskyldu. Fékk lambalæri með öllu í hádeginu, pönnukökur og skúffuköku í kaffinu, fór í kapphlaup við litlu frændsystkynin mínum og undir lokin yfirgnæfði fjósalyktin Tommy girl ilmvatnslyktina mína.....I love it.... ég fer allt of sjaldan í sveitina!!!!!

Svefntími
Yfir og út
Helga