<$BlogRSDUrl$>
Ömmurnar
Kom hjem til mig, vær ikke så længe ude... ML-blogg

desember 23, 2003
Gleðileg Jól

...elskurnar mínar. Vona að þið hafið það notalegt og gott um jólin. Vonast til að hitta ykkur á milli jóla og nýárs. Bjarta framtíð

Jólakveðja, Una

desember 19, 2003
Húsgögn og heimilistæki
leggja mig í einelti í dag. Ég byrjaði morguninn á því að slá út rafmagninu í öllu húsinu þegar ég stakk jólaseríunni í herberginu mínu í samband. Úps. Dós af sýrðum rjóma beit mig í þumalfingurinn á hægri hönd og skildi eftir sig fjandans lítið sár sem ergir mig. Skrifborð og stólar hafa verið að þvælast óvenjumikið fyrir mér það sem er af morguns svo nú er örugglega stór marblettafjölskylda farin að taka sér bólfestu hér og þar um allan kroppinn. Stórt kort af Íslandi sem hangir upp á vegg í Upplýsingamiðstöðinni stökk skyndilega niður af veggnum á öxlina á mér. Mér brá. Veit ekki hvernig þetta endar allt saman. Er annars á leið í útskriftarveislu seinnipartinn í dag til bróðursonar míns sem er að fara að gera mig að afasystur í júní á næsta ári. Gaman að því.

Ásdís

desember 18, 2003
ÞIÐ BLOGGA JÁ!!!!!!!
Ef guð og veður lofa þá mun ég lenda á Reykjavíkurflugvelli klukkan 18 á morgun og fara á forsýningu á Hringadróttinssögu klukkan 19 með honum elsku besta eina bróður mínum jeijeijei..... Ég þori samt ekki að vera of bjartsýn þar sem ég hef reynslu af því að vera veðurtept á Akureyrarflugvelli í margamargamarga klukkutíma. Ég krosslegg bara fingur og vona bara að þetta gangi allt eins og það á að gera.
Ég er búin að prófa allar leiðir til að flytja draslið mitt milli landshluta. Mamma tók slatta, hjólið fór með fluttningabíl, full ferðataska fór með rútunni, jólapakkarnir fóru með pósti og svo rúmlega 20 kíló fara með mér í flugvélinni, núna er bara að bíða og sjá hvaða aðferð verður best.
Sjáumst fyrir sunnan :)
Helga

Næst síðasta vaktin mín á Húsavík........ í bili? Þoli ekki að hætta í vinnum og þurfta að kveðja alla snökt snökt. Kveðjustundir eru mjög leiðinlegar! EN ég er að koma suður og það er gaman veivei.
Helga

desember 17, 2003
Til umhugsunar

Ég er svo andlaus, hef lítið að segja en fann þessi umhugsunarefni á netinu. Langaði bara að birta þau hér því að eitt þeirra, hvað verður um gúmmíið sem slitnar af hjólbörðum, hef ég alveg á hreinu...nefninlega er hluti að svona hjólbörðum í húddinu á bílnum mínum :(

Matta


--------------------------------------------------------------------------------


Hvað eru fiðrildi með í maganum þegar þau eru ástfangin?


Hvers vegna eru hermenn í borgarastyrjöld?


Af hverju er síðasti söludagur á sýrðum rjóma?


Hvað telja kindur þegar þær geta ekki sofnað?


Eru haldin kaffihlé í teverksmiðjum?


Af hverju kallast maður sem talar dónalega við konu karlrembusvín, en
fær kona sem talar dónalega við karlmenn borgað á mínútuna?


Hver er hraði myrkursins?


Af hverju nota kamikazeflugmenn hjálm?


Af hverju er framleitt Whiskas með kjúkling, Whiskas með nautakjöti,
Whiskas með fiski en ekki Whiskas með mús?


Er fullur tölvudiskur þyngri en tómur?


Ef geðklofi hótar að fremja sjálfsmorð, kallast það þá gíslataka?


Ef maísolía er gerð úr maís og olívuolía úr olívum, hvernig er því
háttað með barnaolíuna?


Ef sund er gott fyrir handleggi og fætur, af hverju eru fiskar með hvorugt?


Af hverju eru seldar sígarettur á bensínstöðvum þegar það er bannað
að reykja þar?


Hvernig kemst bílstjóri sanddreyfibíls í vinnuna á morgnana?


Ef ekkert festist við Teflon-húð, hvernig er hún þá fest við pönnuna?


Hvað kallast plastið sem er á endum skóreimanna þinna?


Svarti kassinn í flugvélum lifir öll slys af, af hverju er flugvélin
sjálf ekki gerð úr sama efni?


Eru vegvísar til blindraskólans á blindraletri?


Hver fann upp á að mjólka kýr og hvað hélt hann að hann væri að gera
þegar hann byrjaði á því?


Af hverju finnur maður alltaf bara einn skó í vegarkantinum?


Hvað verður um gúmmíið sem slitnar af hjólbörðum?


Til hvers eru hvítu hálfmánarnir á nöglunum þínum?


Brauðsneið dettur alltaf þannig að smjörið lendir á gólfinu. Hvað myndi
gerast ef maður myndi binda brauðsneið á bakið á ketti og láta köttinn detta?



desember 16, 2003
Það kom svo skemmtilega skringilegur maður hingað í vinnuna til mín áðan. Hann vildi endilega selja mér sérstakt risaskóhorn með hálfflögnuðu rauðu epli á endanum fyrir tengdapabba minn. Á skóhorn en ekki tengdapabba þannig að ég keypti ekkert af kauða.

Epldís

desember 14, 2003
Já ég er á næturvakt og það er ekkert að gera þannig að ég hef víst ekkert betra að gera en að blaðra á blogginu. Til hamingju með afmælið Guðrún, vona að þú munir eiga góðann afmælisdag knúsmús.
Er búin að vera að ferðast um hinar ýmsu bloggsíður og er búin að komast að því að það þekkja allir alla á þessu skeri. Ég er búin að finna bloggsíður ólíkelgasta fólks sem ég þekki með að fara á bloggsíður hjá einhverjum sem ég þekki ekki neitt, vegir netsins eru sem sagt rannsakanlegir. Vegir karlmanna eru líka rannsakanlegir. Það er orðið nokkuð ljóst að maður getur ekki ætlast til þess að kunningjar manns séu ekki með einhverjum sem maður hefur verið með á þessu landi, skerið er einfaldlega of lítið og hver og einn einstaklingur er margnota.....
Bara fjórar vaktir eftir og svo er ég farinn í 5 mánaða jólafrí......pælið í því.
Er búin að vera roslega dugleg í dag. Búin að taka til á efri hæðinni hjá henni ömmu og búin að tæma út úr nokkrum skápum í eldhúsinu. Það kennir ýmissa grasa í þessum skápum hjá henni ömmu gömlu, t.d. óopnað royal hlaup síðan nítjánhundruðsextíu og e-ð, ekkert smá flott og ég tími alls ekki að henda því bara flott skraut í eldhúsið. Svo fann ég líka bók fyrir húsmæður sem langamma Jakobína átti, mjög merkileg bók.
Ætla að bjóða stelpunum í mat á morgun. Var að hugsa hvað ég ætti að bjóða þeim í: Chillikjúlla, engiferkjúlla, BBQ kjúlla eða Terryaki kjúlla...... kjúlli verður það a.m.k. Ég trúi því varla að ég sé að fara að hætta, mér finnst það satt best að segja mjög leiðinlegt. Ef ég fæ ekki vinnu á Lansanum þá gæti ég bara alveg hugsað mér að koma hingað aftur, kannski maður hafi það bara í bakhöndina.
Ohhhhh klukkan bara orðin 4 og það eru enn endalaust margir klukkutímar eftir af þessari vakt. Ég hef ekkert meira að segja í bili, enn ekki búin að kaupa mér flug, er að bíða eftir veðurspánni fyrir næstu helgi, kannski maður geti keyrt á súbarukagganum þó svo að að ég nenni því innilega ekki.
off i go
Helga

desember 13, 2003
Þetta er nú meira bananalýðveldið sem við búum í. Davíð sagðist ekki hafa sofið heila nótt fyrir áhyggjum út af kaupþings-búnaðarbankahneykslinu en skammtar sér svo gott sem jafn háa upphæð þegar hann lætur af störfum, ætli hann hafi sofið áhyggjulaus nóttina fyrir þessa tillögu? Á sama tíma þarf maður að hafa áhyggjur af því að fá ekki vinnu á Landspitalanum..... þetta er nú meiri vitleysan.
H

desember 12, 2003
Nú ætla ég að vera fljót að pikka og láta ekki neitt klikka..........
Vika og einn dagur í suðurferð, rosalega líður tíminn hratt. Það er svo mikið að gera hjá mér í jólainnkaupum að ég hef bara ekki mátt vera að því að blogga. Núna sé ég um jólainnkaupin fyrir hana ömmu mína líka. Þannig að ég þarf að kaupa fyrir börnin, barnabörnin og barnabarnabörnin. Svo náttúrulega kaupi ég fyrir mín systkyni, þeirra börn og foreldra mína samtals endalaust margir pakkar. Svo er ég svo góð að ég kaupi alla pakkana á Húsavík, versla í heimabyggð og geri mitt besta í því að láta bæinn ekki leggjast í eyði.
Ég var næstum því búin að eyðileggja kyndinguna í íbúðinni hennar ömmu í vikunni. Systir mömmu var í heimsókn og gat bara ekki sætt sig við að litla frænka hennar væri hálf að skipa henni að reykja úti og reykti þ.a.l. inni og varð ég mmmjjjööööög pirruð. Þegar hún fór opnaði ég hvern einasta glugga í húsinu og fór í vinnuna. Þegar ég kom heim var íbúðin orðin reyklaus en ísköld, ég hafði gleymt að lækka í ofnunum þannig að þeir fóru alveg yfirum. Hitastigið í íbúðinni fór mestalagi upp í 18 gráður í nokkra daga og ég vaknaði með sultardropa á nebbanum á hverjum morgni. Endaði með því að ég kallaði í pípara sem lamdi í einhver rör og núna er hitinn orðinn eins og hann er vanalega hjá henni ömmu minni eða um 26 gráður.
bæjó
Helga

desember 11, 2003
MUSE

Við Ásdís og Soffía stormuðum á Muse í gær. Þetta voru magnaðir tónleikar. Að vísu fannst manni maður vera orðinn svolítið gamall því að það voru krakkar þarna sem voru að fæðast þegar við vorum að útskrifast úr gaggó! Jahá, svona er lífið. Fleiri ömmur voru á svæðinu, orðrómurinn á götunni er sá að Vigdís hafi verið þarna og við sáum hárið á Hildi uppi í stúku. Já, þetta voru magnaðir tónleikar. Lifið heilar

Luv, Una

desember 10, 2003
Fékk svo hlýtt faðmlag og koss áðan frá litlu tveggja ára frænku minni að ég er að hugsa um að endurskoða afstöðu mína til barna....;) Svona er þetta, þegar það frystir úti og kuldinn að fara með mann þá fer ég að þiðna að innan...jeminn. En rokk&ról í kvöld....Mínus og Muse!! Hlakka til.
Ásdís

Einn nokkuð góður!!!

Gamall maður sat á bekk í Kringlunni þegar ungur maður með hanakamb
settist hjá honum. Hárið hans var gult og grænt með appelsínugulum og
purpuralituðum strípum. Hann var með málaðar augabrýr. Gamli maðurinn
starði í forundran á unga piltinn í nokkrar mínútur.
Strákurinn varð órólegur og spurði þann gamla: "Hvað er þetta eiginlega,
hefur þú aldrei gert neitt villt um dagana?"
Gamli maðurinn svaraði: "Jú reyndar, ég datt einu sinni hressilega í það og
hafði kynmök við páfagauk. Ég var bara að velta því fyrir mér hvort þú
gætir verið sonur minn"

kossar
Heiða ;o)

desember 08, 2003
Jóla Jóla

Ægilega er ég búin að vera dugleg í dag. Búin að skrifa 18 jólakort! (klapp á öxlina Una). Varð bara að deila þessu með ykkur. Verð að rjúka Alias er að byrja.

Luv, Una

Heilar og sælar skvísur!!

Komnar í jólaskapið????
Var einmitt að tala um hvað væri langt síðan ég hef farið í bíó.... Ætli þetta verði ekk bara næsta mynd sem maður sér..(Love Actually) nema það verði bara Lord of the rings þar sem ég sé ekki alveg fram á að komast á næstunni.
Við hjónakornin vorum í málningarvinnu alla helgina, bæði skemmtilegt og alveg hreint óþolandi að vera með manni sem hefur unnið svona lengi í málningarvinnu því það þarf auðvitað allt að vera FULLKOMIÐ! Ég held svei mér þá að við höfum næstum pússað ALVEG niður flesta veggina, úff!! það var nefninlega HÖRMULEGA illa málað þarna áður og alir veggir MJÖG ójafnir. Þetta er nú samt að smella hjá okkur núna. Verðum bara að vera búin að mála fyrir næstu helgi því þá kemur pabbi og parketleggur ;o) JIBBÍ!! Mikið rosalega hlakka ég til að geta svo boðið ykkur heim eftir jólin í nýju íbúðina OKKAR!
Já og sorrý Hildur mín að við komumst ekkert að aðstoða ykkur en við erum víst að stússast í þessu á sama tíma. Vona bara að ykkur gangi vel og að þið séuð ekki alveg að kafna úr stressi...
Ef þið eigið leið hjá Kjarhhólma 10 eftir vinnu þá endilega droppið inn og heilsið uppá okkur. Kaffikannan er meira að segja komin í samband ;o)
Heyrumst
Heiða

desember 05, 2003
Svona niðurstöður úr stessprófi stressa mig!!!

Svör þín benda til þess að þú búir við stöðuga streitu sem valdi þér mikilli vanlíðan. Gættu að því að gera ekki of miklar kröfur til þín sjálfs og settu þér raunhæf markmið sem þú hefur tíma og orku til þess að sinna. Ein leið til þess að koma í veg fyrir streitu er að forðast streituvaldanna sjálfa. Önnur leið er að ná stjórn á streitu með því að minnka eða draga úr einkennum sem koma fram. Dæmi um fyrrnefndu leiðina væri að skipuleggja líf sitt vel, stunda líkamsþjálfun og byggja upp sjálfstraust, en slökun er gott dæmi um hið síðarnefnda

Matta

Nú er föstudagur trallallallallalaaaaaa!!!

Ég er svo glöð að það sé föstudagur í dag og vinnuvikan að verða búin í bili. Það var æði í gær.
Við Ásdís, Una og Arndís fórum á Vegamót að borða (sæta þjóninn örugglega farinn að gruna e-h af því við förum svo oft). Svo lá leið okkar í Kringluna þar sem við slæptumst með ís þar til bíóið byrjaði kl 21. Þar sáum við stórmyndina Love Actually sem er sú allra besta fram að þessu. Við hlógum okkur máttlausar og héldum svo heim með nýja trú á ástina í brjóstum okkar... kannski full væmið, en án gríns var þetta frábær mynd.
Stefnan er tekin á djammið eftir aðalfundinn á Ara í Ögri í kvöld.
Sjáumst hressar
Knús Matta

Smá jólasaga:

Lítill drengur kemur rennandi blautur og útataður í snjó inn í húsið. "Hvað kom fyrir þig?" spurði móðir hans.
"Þessir íllkvitnu strákar hinu megin við götuna, komu og hentu í mig snjóboltum í allavegana tuttugu mínútur!" svaraði drengurinn.
"Elskan mín" sagði móðir hans full samúðar, "af hverju komstu ekki inn og náðir í mig þegar þetta byrjaði?"
Strákurinn setti hendur á mjaðmir sér, leit á hana og svaraði: "Til hvers hefði það verið, það vita allir að þú myndir ekki hitta kú með snóbolta, þó þú héldir í halan á henni!"

desember 04, 2003
Krakkar eru fífl!
A.m.k. sumir. Var að ljúka næstsíðasta frönskutíma þessarar annar og þau drápu mig næstum því. Þangað til ég urraði hátt og snjallt, þá féll allt í ljúfa löð...eða e-ð svoleiðis. Réttast væri að skella erfiðu prófi á þau í næstu viku...haha...!
Je ne t'aime plus
mon amour
je ne t'aime plus
tous les jours

Hlustuðum á Manu Chao í tíma áðan og núna er þetta límt á heilann á mér. Ugh. Bíð eftir að komast heim úr vinnunni. Bráðum bráðum.
fís

Armæða

Ég sit hér í kennslustofunni minni og horfi á öll verkefnin sem ég á eftir að fara yfir. Ég lít öðru hverju út um gluggann, dæsi, renni stólnum svo að tölvunni og hangi þar, þangað til garnagaulið er farið að yfirgnæfa klukkutikkið, sný mér þá með fýlusvip að verkefnunum, slöttólfast að fara yfir þau, til þess eins að geta farið heim og horft á Leiðarljós...er líf mitt virkilega þess virði að lifa því? ;)
Konan mín kemur í bæinn í dag. Vei, vei. Það ætti að vera næg ástæða til þess að ég hætti að pikka þetta og komi mér að verki.
Ég hef ekki hugmynd um það, hvað ég ætla að gera um áramótin, ég er heldur betur til í gott og stórt partý hér á höfuðborgarsvæðinu en annars er ég opin fyrir öllu.
Gangi þér vel í prófunum Guðrún mín.

Bless
Matta

styttist í jólin trallalalalalalala
Helga

ohhhhhh ég er farin að hlakka svooooo til að koma heim um jólin ; ) Síðustu jól var ég hérna í Salzburg ásamt nokkrum öðrum Erasmus stúdentum og sjálfboðaliðum og var að deyja mig langaði svo heim... Þetta átti reyndar að vera rosa kósý prósess en eins og það endaði þá vorum við 6 saman að borða jólamatinn (sem reyndar samanstóð af pasta, brauði og salati....), allir með heimþrá og hundleiðinleg jól... he he Svo ég lofaði múttu og herra Sveini að ég skyldi nú leggja það á mig að koma heim þessi jólin..... :)
Reyndar var ég að komast að því síðastliðinn mánudag að ég þyrfti eiginlega að taka próf þann 19. des en náttúrulega með mína heppni er ég búin að bóka og borga flug heim þann 18. des svo það þýðir nú lítið að spá í því.... : ( Var reyndar búin að ákveða mig að fresta fluginu fram til 20. des, kíkti galvösk á netið en lyppaðist nú fljótt niður aftur eftir að ég komst að því að ég þyrfti að borga u.þ.b. 14.000 ISK mismun á miðunum (Ryan-Air og Express).... bæði breytingargjald og svo eru sætin orðin miklu dýrari heldur en þegar ég keypti mína miða.... well, þýðir nú lítið að gráta yfir því... það reddast alltaf allt saman einhvern veginn á endanum, ekki satt?? ; ) En kem alla vega heim þann 18.des og fer svo út aftur þann 7.jan svo ég fæ næstum 3 vikna jólafrí heima.... þarf virkilega á því að halda...!!! Hvað ætlið þið að gera um áramótin? Verður kannski hver í sínu horni hjá fjölskyldunni.....? Var nefnilega alveg harðákveðin í því að koma í bæinn og hitta ykkur ef einhverjar yrðu í bænum en eins og er (well, eins og venjulega skulum við segja) þá er ég ekki beint með úttroðna vasa af grænum seðlum svo að ég verð að sjá til hvernig fer.... ;) Er að deyja mig langar svo til að hitta ykkur..... : / Ætla að reyna að spara (hættuleg setning) eins og ég get til áramóta..... he he Annars er það nú alltaf sama gamla stúdentaráðið að safna fyrir miðanum og kaupa svo landa fyrir afganginn.... he he En jæja gullin mín, verð að koma mér heim.... þarf að skila af mér verkefni fyrir morgundaginn sem ég er rétt svo hálfnuð með.... vona að þið týnið ykkur ekki í jólastressinu, og verið þið hinar nú duglegar að hjálpa Hildi og Gumma... þeim veitir víst ekki af hjálpinni..... ; )
Þúsund kossar og knús
Jólakveðja,
Guðrún ; )

desember 03, 2003
Að leggja hönd á plóg...

...er ætlunin í dag. Ég er ákveðin í því að reyna að hjálpa dugnaðarhjúunum Hildi og Gumma í flutningum í dag og legg til að fleiri fari að dæmi mínu. Ég ætla að skella mér í Kópavoginn með gúmmíhanska og tusku og láta hendur standa fram úr ermum, nú eða að bera kassa og dót og fá að sjá nýju íbúðina í leiðinni.
Í gær var rosa gaman. Ragnhildur systir og börn komu til mín, sem og mamma og pabbi (skelltu sér í bæinn til að líta á litlu börnin....langt síðan við Ragnhildur vorum þær sem trekktu að!) Arndís kíkti á dúllurnar (í fullum skrúða) en var í vinnunni og stoppaði stutt. Hlédís kom og var hjá okkur fram á kvöld, borðaði með okkur kjúklingaveislu og nammi og við höfðum það gott. Ragnhildur og co voru ennþá sofandi þegar ég fór í morgun!
Knús
Matta

desember 01, 2003
Hæ pæjur!!
Er þessa dagana að reyna að halda andliti og þreki, það er mikið álag á okkur skötuhjúunum. Gummi er komin með skegg og bauga og ég er að reyna að fá ekki taugaáfall he. Ég er ansi hrædd um að við áætluðum aðeins of mikið fyrir þessa önnina. Ég sé ekki fram á að klára mælingarnar mínar fyrir jól sem er slæmt því verkfræðingurinn sem hefur verið mín stoð og stytta er að flytja út um áramótin. Við komum til með að flytja í hálfkláraða íbúð og næstu 2 vikurnar í skólanum eru killer, lokaverkfefni eftir lokaverkefni....kvíði mest fyrir hópverkefnunum, er ekki sú stabílasta þessa dagana. Síðastliðið fimmtudagskvöld húðskammaði ég litla brósa eftir að við komum heim um miðnætti eftir langan dag í skóla, rannsókn og upp í íbúð en þá hafði hann verið 2 daginn í röð heima að horfa á vídeo og datt ekki í hug að spyrja hvernig gengi (hann átti að borga húsaleiguna með því að hjálpa okkur að flytja aber doc). Við náðum að mála íbúðina um helgina og Gummi ætlar að vinna hörðum höndum í dag að setja klósettið í stand þannig að við getum alla veganna notað það þegar við flytjum næsta miðvikudag. Eldhúsinnréttingin klikkaði, kemur ekki fyrr en 11. des......styrkjum skyndibitastaði þar til he. Ætla að vera heima í dag og reyna að klára eitt lokaverkefni eða svo og bóka fólk í næstu mælingar. Það á að banna manni að blogga þegar maður er ekki upp á sig besta :O) Well bið að heilsa í bili
Luv Hildur

Hæ pæjur!!
Er þessa dagana að reyna að halda andliti og þreki, það er mikið álag á okkur skötuhjúunum. Gummi er komin með skegg og bauga og ég er að reyna að fá ekki taugaáfall he. Ég er ansi hrædd um að við áætluðum aðeins of mikið fyrir þessa önnina. Ég sé ekki fram á að klára mælingarnar mínar fyrir jól sem er slæmt því verkfræðingurinn sem hefur verið mín stoð og stytta er að flytja út um áramótin. Við komum til með að flytja í hálfkláraða íbúð og næstu 2 vikurnar í skólanum eru killer, lokaverkfefni eftir lokaverkefni....kvíði mest fyrir hópverkefnunum, er ekki sú stabílasta þessa dagana. Síðastliðið fimmtudagskvöld húðskammaði ég litla brósa eftir að við komum heim um miðnætti eftir langan dag í skóla, rannsókn og upp í íbúð en þá hafði hann verið 2 daginn í röð heima að horfa á vídeo og datt ekki í hug að spyrja hvernig gengi (hann átti að borga húsaleiguna með því að hjálpa okkur að flytja aber doc). Við náðum að mála íbúðina um helgina og Gummi ætlar að vinna hörðum höndum í dag að setja klósettið í stand þannig að við getum alla veganna notað það þegar við flytjum næsta miðvikudag. Eldhúsinnréttingin klikkaði, kemur ekki fyrr en 11. des......styrkjum skyndibitastaði þar til he. Ætla að vera heima í dag og reyna að klára eitt lokaverkefni eða svo og bóka fólk í næstu mælingar. Það á að banna manni að blogga þegar maður er ekki upp á sig besta :O) Well bið að heilsa í bili
Luv Hildur

Hæ pæjur!!
Er þessa dagana að reyna að halda andliti og þreki, það er mikið álag á okkur skötuhjúunum. Gummi er komin með skegg og bauga og ég er að reyna að fá ekki taugaáfall he. Ég er ansi hrædd um að við áætluðum aðeins of mikið fyrir þessa önnina. Ég sé ekki fram á að klára mælingarnar mínar fyrir jól sem er slæmt því verkfræðingurinn sem hefur verið mín stoð og stytta er að flytja út um áramótin. Við komum til með að flytja í hálfkláraða íbúð og næstu 2 vikurnar í skólanum eru killer, lokaverkfefni eftir lokaverkefni....kvíði mest fyrir hópverkefnunum, er ekki sú stabílasta þessa dagana. Síðastliðið fimmtudagskvöld húðskammaði ég litla brósa eftir að við komum heim um miðnætti eftir langan dag í skóla, rannsókn og upp í íbúð en þá hafði hann verið 2 daginn í röð heima að horfa á vídeo og datt ekki í hug að spyrja hvernig gengi (hann átti að borga húsaleiguna með því að hjálpa okkur að flytja aber doc). Við náðum að mála íbúðina um helgina og Gummi ætlar að vinna hörðum höndum í dag að setja klósettið í stand þannig að við getum alla veganna notað það þegar við flytjum næsta miðvikudag. Eldhúsinnréttingin klikkaði, kemur ekki fyrr en 11. des......styrkjum skyndibitastaði þar til he. Ætla að vera heima í dag og reyna að klára eitt lokaverkefni eða svo og bóka fólk í næstu mælingar. Það á að banna manni að blogga þegar maður er ekki upp á sig besta :O) Well bið að heilsa í bili
Luv Hildur